陳慧琳（Kelly）昨日應邀出席金至尊珠寶新店開幕，佩戴千五萬鑽飾及一枚重十三卡、價值千二萬巨型鑽戒，與港姐陳茵媺及張嘉兒擔任剪綵嘉賓。Kelly獲金至尊副董事長、千億新抱徐子淇父親徐傳順送上一條價值萬元的鑽石頸鏈，但她表示不敢握手，因害怕被人搶走粒巨鑽！Kelly還即場選購一枚重一卡、價值五萬元的鑽石給劉昇（蝦餃仔）：「呢份係我第一份送畀囝囝嘅聖誕禮物，以後每年都送一粒，送到佢娶老婆為止！（送粒十三卡畀囝囝？）唔會喇！我驚佢見到咁閃、咁得意會吞落肚！」另外，她還揀選了一條價值六千八百元的金鏈給經理人鍾珍。

陳慧琳即場揀了鑽石及金鏈，分別送給兒子及鍾珍。	陳茵媺（左）與張嘉兒同場示範首飾，明艷照人。	陳慧琳獲徐子淇父親徐傳順（左二）送上名貴鑽鏈。

陳茵媺家藏后冠

至於陳茵媺與張嘉兒則透露最貴重的鑽飾是港姐后冠，並表示珍藏於家中夾萬，陳茵媺說：「我希望努力儲錢買粒大啲嘅鑽戒畀媽咪！」張嘉兒則笑言不敢佩戴巨型鑽飾：「怕將來老公求婚嗰陣會有困難！」