昨日，官恩娜（Ella）與朱茵擔任護膚品牌Estee Lauder發布會嘉賓。期間麥玲玲替Ella分析運程，指其大眼睛是孩子眼，容易被男人呃，其後又指她子女宮好，將來會生四、五個小朋友。而擁有水汪汪眼睛的朱茵則被指有一雙桃花眼。

麥玲玲（右起）即場為朱茵及Ella分析運程。

楊洛婷（右起）、麥玲玲及朱茵（左）即場分享美容心得。

對於被指容易畀男人欺騙，Ella直認不諱，更讚麥玲玲睇得準，問到有否被男人欺騙時，她不諱言有，並表示被騙後才知道，不想重提傷心事的她扯開話題說：「我要請教朱茵點樣同阿Paul（黃貫中）10年都仲咁好！」問到是被騙財騙色、還是雙騙時，Ella面有難色：「好難答！總之佢係壞人，自己好好彩，遇到好多好錫我嘅人！（嗰個人衰到貼地？）係我活咗咁多年遇到最壞嘅人！」

朱茵Paul有7年之癢

其後，Ella自我安慰，認為人生一定有起跌：「我好開心遇到唔同經歷，如果唔係反而冇膽面對人生，我依家身經百戰，遇到更壞嘅事都識得應付！」提到子女宮好，Ella自言喜歡大家庭：「如果生到四個就太好！不過我唔係依家生，要努力做嘢搵多啲錢先！」

而朱茵表示與Paul拍拖踏入第10個年頭，更試過7年之癢：「唔係有第三者嗰種，係以前可以包容到嘅嘢，時間耐咗唔知點解會變得乞人憎，淨係睇到對方嘅缺點，但其實係好鍾意佢㗎！」