名模樂基兒（Gaile）穿梭各大品牌天橋，令她的時尚觸覺敏銳不少，配搭潮流服飾更是其強項，但她卻不敢為老公黎明充當形象顧問，她說：「我唔會特登買畀佢，只係見到啱先買。佢着衫有一套，知道自己鍾意咩，佢比較崇尚自然，好多時都係T恤牛仔褲，佢天生唔使點整已經夠靚仔！」
身穿bread n butter服裝的她，展示最新秋冬型女配搭，教女生如何以熱爆Items扮靚，她說：「我好鍾意帶Punk Rock味道嘅打扮，今個秋冬西裝褸會好Hit，Slim Cut會令身形線條更靚、更修長，而且百搭易襯，簡簡單單就好有型，仲有好興Leggings，無論淨色定有Pattern，着Leggings襯Boot好睇，又型！顏色唔一定要黑，雖然感覺Cool啲，但好似桃紅呢啲咁Sharp嘅色都好興。」