傅穎（Theresa）轉投星皓後，與舊公司的鄧麗欣（Stephy）仍水火不容，經常針鋒相對。前晚Theresa出席手錶品牌Philip Stein贊助的《吸血新世紀2新月傳奇》首映時透露，將花五位數字買聖誕禮物給新公司的同事，又指最頭痛是買禮物給男同事。

陳自瑤揀男友棄羅拔

問到會否送禮給舊同事如楊愛瑾及Stephy，她口窒窒說：「咁送E Card（電子賀卡）囉！（Stephy都有份？）都係Forward啫！（聖誕點過？）有工作，但未知做咩，可能同朋友『聖誕抱抱』。（抱埋Stephy？）睇吓見唔見到啦！」她還大讚電影男主角羅拔柏迪臣靚仔不羈：「女仔都鍾意呢啲不羈男，但男友就好難講，我冇固定Style。（點取悅你？）Sweet啲，要真心，最怕愛情騙子，有識過男仔對待愛情唔認真。（圈中嗰個？）唔講喇！」

同場的無綫藝人沈卓盈，甫見胡文新即雞啄唔斷，但被拍照即閃開，沈卓盈說：「喺徐淑敏婚宴上認識，頭先讚佢護膚好，私底下冇聯絡㗎！」而陳自瑤則表示男友王浩信要開工，問到羅拔與男友誰較靚仔？她說：「各有各靚啦！都係男友好啲！」至於Ana R.則與男友恩愛到場，出席首映的還有bma副總裁陳貝兒、Chita、黃家強夫婦、關心妍夫婦及董敏莉等。