陳七和港足隊友昨日出席《香港足球代表隊勇奪東亞運動會冠軍祝捷會@海港城》慶祝活動，大會請來名模姚予晴（Mikki）和Rosemary送上聖誕禮物給代表隊祝賀。陳七受訪時大方回應與現任女友Natalie和舊愛李綺雯（o靚妹）的戀情：「同Natalie分開後先同o靚妹一齊，同o靚妹分開後再同Natalie一齊，依家同Natalie一齊好開心！（Natalie叫你喺交友網刪除同o靚妹嘅相？）唔係女友叫，係自己主動Delete，冇同佢一齊已經自己主動剷走。」

對於有傳無綫邀請唱歌，陳七表示不知情。被問到會否與o靚妹合作時，自言是專一男友的他說：「唔好喇！要維護依家嘅女朋友。」陳七透露老闆羅傑承着他專心踢波，問到會否因此禁慾，他說：「吓？唔關事。」而陳七坦言獎金未到手，被問到會否交給女友，他說：「唔會，聖誕禮物一定有，未諗到買乜。（分一半？）吓，咁開心，（結婚沖喜？）冇咁快。」至於被林海峰開咪批評，陳七表示不介意，認為對方只是講笑。

陳貝兒力撐唔花心

而擔任司儀的陳貝兒表示港隊奪金當晚，她身在台灣故需要看重播：「睇到感動到喊，加入公司半年，睇住港隊點披荊斬棘。」她大讚陳七有魅力：「拍拖好正常，踢波時踢波，遊戲時遊戲，唔覺佢花心！」Mikki則說：「如果好認真搵另一半會加分，如果優秀又有良好品德，加好多分。」她更大讚港隊很有默契。Rosemary亦說：「每人有自己權利做自己鍾意嘅嘢。」