早前傳出陳偉霆（William）與Angelababy分手，最近又指他成功箍煲，但他表示傳聞失實：「傳聞發展得好快，分手到箍煲都喺兩星期內發生。（用Email傳情？）唔係！係溝通啫！」
可惜在這段「非常時期」，William竟不避嫌力撐緋聞女友G.E.M.！他手持G.E.M.新碟的相片出現在對方的網誌上，G.E.M.反應極大地澄清兩人沒有發展可能：「佢當我妹妹咋！我哋未入行已經認識，一直係好朋友，而嗰日大家出席完活動，就叫佢買我隻碟支持吓，佢先同我一齊買碟，助手都有去。（佢同Baby分手？）我冇問佢呀！唔知呀！」而昨日在港出現的Baby則表示與William只是朋友關係，對於他的其他緋聞則不作回應。
