休息了好一段日子的鍾欣桐（阿嬌）復出後工作不斷，日前接拍杜汶澤監製的電影《前度》，戲中她跟陳偉霆及詩雅譜出一段微妙三角關係，三人及周俊偉等日前聚集電影公司，為新片作圍讀及試戲，阿澤大讚阿嬌狀態甚佳，他說：「佢需要休息嘅時間已經足夠，個人準備好晒，狀態相當之好！」他亦盛讚詩雅給他驚喜：「之前想搵個細過阿嬌，又做到內心戲嘅女仔，最後搵到詩雅，發覺佢好啱套戲，呢兩日圍讀，佢仲要試啲好難演嘅苦情內心戲，估唔到詩雅做得好好，有工作人員仲畀佢感動到眼濕濕！」問到新片有否床上戲？阿澤笑說：「都會有嘅，但激烈程度同內容就要賣關子，我就床上戲嘅嘢，問過陳偉霆，佢話好樂意配合同一定會盡力而為喎！」
