- 2009年12月17日(四)
無綫與四大唱片公司決裂，四間唱片公司歌手慘成炮灰，相反最有利的，可能是一班做了歌手的無綫「親生仔」，當中包括徐子珊、林峯及鍾嘉欣等。其中徐子珊說：「希望事情可以盡快解決啦！大家都想件事好。」問到身為「親生女」的她，可覺得是此事是得益者？她說：「我諗又唔會喎！都要睇番係咪宣傳期，如果過咗都唔會攞番啲歌出嚟播啦！」至於林峯說：「唔係好清楚整件事，我唔明政策上嘅嘢，唔方便畀意見，但身為藝人同歌手都係被動嘅，呢啲嘢都係公司處理，做好自己本分先。」
鍾嘉欣則說：「真係唔清楚發生咩事，總之希望件事快啲解決，以和為貴，相信每個歌手都想喺頒獎禮有公平嘅機會。（會唔會播多啲你嘅歌有着數？）我就冇競爭心，只係抱住做好每份工作嘅心態，點播點做都係由公司去安排。」
| ||||||||||||||||
