娛樂圈出名多靚女，亦有唔少孝順女，好似近年被無綫力捧嘅陳法拉，一有時間就返美國紐約探父母，仲會買好多嘢孝敬雙親，名副其實孝順女一名！法拉早前就自爆買咗架幾十萬嘅歐洲車畀Daddy，小小So八到當中原來有段古㗎喎！
話說當時法拉話送架車畀Daddy，但陳爸爸唔想個女嘥錢，所以一路都話未有心水，當時喺香港拍劇嘅法拉勸極都唔掂，不停諗計仔，最終過咗幾十萬去Daddy個銀行戶口，諗住「逼」佢買，點知陳爸爸見到筆錢都冇動心，只係幫個女Keep住，拖得就拖。法拉最終忍唔住，之前去美國探親嗰陣，急急腳帶Daddy去車行，陳爸爸本來想買架二手車就算，但法拉見到一架歐洲車即刻話啱佢，諗都唔諗就畀晒訂，焗Daddy要咗部車。法拉孝順到咁，小小So真係替佢父母高興喇！