張可頤、滕麗名、米雪、賈曉晨、馬德鐘、林嘉華及陳國邦等昨日為無綫新劇《女人最痛》試造型。身材平平的滕麗名因劇情需要「裝假狗」，擠出36E導彈，她介紹角色時難掩興奮心情，叉腰騷身材，又晒命表示負擔太大令她腰骨痛，十分風騷。

米雪首次扮大肚婆角色，演繹女人最痛之一。

張可頤（左起）、馬德鐘及賈曉晨於新劇中合作。

問到胸大會否感覺疲累，阿滕說：「好攰呀！終於感受到大波嘅感覺。裝假狗冇乜難度，最辛苦反而係因為黐膠紙搞到啲肉爛晒！劇入面講我受男友唆擺做『老模』兼推出人形攬枕。」

而張可頤則自爆劇中感情世界簡直與其現實經歷如出一轍，在奮鬥過程中出現不少好男人卻又離開，令她邊看劇本邊打冷震：「故事講我結唔成婚，我好墮入個角色呀！監製就話：『千祈唔好，你依家拍緊拖，要嫁得出呀！』」問到打算何時結婚？她笑說：「拍完套劇先啦！」

「大肚」米雪出唱片

至於以大肚婆造型示人的米雪則表示已推出聖誕歌唱片，希望帶給別人快樂。而在劇中與馬德鐘演一對的賈曉晨說：「佢未開始已經好錫我。」其他演員聞言即起哄取笑：「唔怪得開會時你哋前後腳嚟啦！」她即一臉尷尬否認。