現年27歲的上海模特兒張靜（Crystal），昨日穿上John Galliano與Collette Dinnigan 2010新裝拍攝時裝品牌THE SWANK 2010春夏廣告，是次除邀得國際男模Sharif Webb拍攝，更請來曾為莎朗史東擔任形象指導的國際著名造型師Mr. Paris Libby任創作總監。Crystal過往主要於米蘭及新加坡發展，今次亦並非首次來港：「今次嚟睇吓可唔可以發展，再定目標！而之前有同媽咪掃貨，仲搞到行李超重。」
與熊黛林同為STYLE模特兒公司旗下的Crystal，卻不怕被比較：「我哋喺上海都同公司，以前放工會一齊食飯唱歌，佢唔單止外形好，性格都好好，但大家外形同路線唔同。（會唔會約敍舊？）唔會，大家各有各忙。（佢同城城拍拖？）睇網上報道先知，但冇問佢。」
除了模特兒工作，Crystal去年與方中信合作拍戲，至於最想合作的演員，她說：「當然係張國榮同金城武，但前者已經冇可能，只可以幻想！」