謝霆鋒前晚出席電影《十月圍城》首映，提到早前被本報拍到懷孕後的太太張栢芝心廣體胖，霆鋒即說：「之前君如撞到佢，仲讚佢Fit咗喎！（被影到鯨吞食相？）佢都有同我講，當時因為啲餃子黐住咗啲麵啫！（栢芝介意？）女仔梗係顧儀態㗎啦！依家佢胃口好咗就一定嘅，但係佢都係唔肯食多啲嘢，不過醫生就話BB好健康。」他又指仍未知栢芝所懷的是仔還是女：「照就照咗，但係醫生話要遲啲講。」
問到可會跟導演陳德森再合作？他說：「已經收到劇本，預計五、六月會拍。」他又對《十》片甚為期待，稍後將與栢芝入場欣賞，並指不擔心戲中殺人場面會對她構成影響。
此外，霆鋒日前為英皇電影《綫人》到葵涌貨櫃碼頭拍外景，面上貼上紗布的他要駕駛GTR跑車到場參加非法賽車，很久沒有親自駕車的霆鋒突然手癮大發，試位兜圈都踩盡油門發出巨大聲響。
另外，霆鋒妹妹婷婷早前傳以三百萬元簽約王晶，並將於明年四月擔正由葉念琛執導的愛情片，王晶說：「我唔係呢個年代嘅人，搵番啲年輕導演執導好啲，費事累咗婷婷！（男主角？）已有人選，要等劇本出咗先。」