15/12/2009

播放本新聞相關短片

老婆再有喜克勤教路多「運動」

李克勤前晚出席首映賀祖兒，記者恭喜他即將再做老竇，他即四萬咁口表示未知胎兒性別，但仔女也沒所謂。問到是否意外之喜，他笑說：「冇諗呢個問題！公布咗之後，好多人問我有咩方法，覺得我好得咁喎！我只係工作時工作，工作之後都係『工作』囉！」問到是否譚詠麟（阿倫）教路，他笑說：「佢成日講乜嘢倒掛金鈎、衝力射球，都係想叫大家多做『運動』啫！」

另外，有指四大唱片公司有意封殺無綫，克勤表示會支持公司的決定。