為慶祝祖兒入行10周年而製作的紀錄片《Joey Perfect 10 Documentary》前晚舉行首映會，老闆娘陸小曼、好友Twins、李克勤、林海峰、鄭希怡、關智斌、陳潔靈、陳志雲、容媽媽及姨媽等捧場，深受疼愛的祖兒，即使平日見慣大場面，也不禁感動得淚水決堤，幾乎喊濕整包紙巾！

祖兒（左）狼狽地耍手擰頭，阻止阿Sa埋身，場面搞笑！	阿Sa的溫暖慰問，令祖兒破涕為笑。	祖兒接受訪問時已狂喊，其後看見好友支持，再度失控。

又哭又笑的她，當看見Twins上前打招呼即彈開，以免眼淚失控，更搞笑地擰歪面耍手，示意蔡卓妍（阿Sa）與鍾欣桐（阿嬌）不要靠近，但阿Sa與阿嬌未有理會，上前攬着她安慰，並為哭得變花面貓的她拭淚，姊妹情溢於言表。

陳潔靈（左起）、鄭希怡、楊太、祖兒及關智斌入場前合照。

Fans舉牌支持，令祖兒十分感動。

祖兒平復心情後表示，看了幾次紀錄片依然會哭，因這部長52分鐘的紀錄片滿載她最好、最懷念的回憶：「每次睇到師傅籮記（羅文）都忍唔住抽泣，感情依舊。」她還自爆片中收錄很多瘀事，當中包括經理人霍汶希（Mani）。

私人影院招呼阿詩

她坦言首映比任何頒獎禮更重要，因此心情格外緊張及激動，由於捧場的朋友都曾與她共患難，所以早已擔心自己會狂喊：「好多嘉賓都係我點名邀請，見到佢哋好有安全感同好親切，好似楊太、陳潔靈同Wyman（黃偉文），張敬軒就Mark唔到期嚟，陳奕迅就要做閉幕活動！」她透露何韻詩在深圳做騷，未能出席，故有意在家設立私人影院，招待未能到來的朋友。

對於祖兒只是睇片已喪喊，阿Sa說：「吓？咁快睇？」問到祖兒是否愛哭，她與阿嬌即玩踢爆：「佢唔算喊包，不過有次同佢傾傾吓偈，唔知乜事突然喊晒，好搞笑！」