別以為Band友許懷欣（Ryan）只愛電子結他，原來他最鍾情的反而是古董木結他，他說：「以前以為新結他先至好，但原來結他擺得愈耐，啲聲會愈靚，自此我就愛上Vintage（古典）結他！」
身為音樂人，Ryan花費最豪正是在結他上，他珍藏的十多個結他中，最貴一個價值3萬元，更是由Daddy許冠傑所送，相當有紀念價值，他回味說：「兩年前同Daddy去多倫多做騷，完騷之後一齊行街，估唔到喺一間樂器舖頭仔見到一個好正嘅Gibson Vintage結他，嗰刻直情雙眼發光，可以話係一見鍾情！」一問之下，心頭好盛惠3萬元，Ryan自覺經濟能力有限，本打算將來儲夠錢再買，想不到Daddy為獎勵他在演出中落力幫忙，大手筆買下給他作禮物，令Ryan非常驚喜！他笑說：「本來諗住連包裝都唔拆就咁珍藏，但最終都係忍唔住手，依家都有用佢嚟Jam歌！」
