自小已非常貪靚的羅凱珊（Kama），早於小學一、二年級已穿耳窿，由於學校嚴禁學生戴耳環，明知故犯的她只好偷偷戴上透明耳針，她說：「耳環係我最鍾意嘅配飾，細細個就覺得女人戴耳環好似着高踭鞋咁，充滿女人味，我仲覺得女人撩撥耳環嘅動作好性感！」

童心未泯的Kama，對手上的公仔耳環愛不釋手。

放大圖片

她自爆飾物櫃最多耳環，最誇張試過一次過買逾30對，價錢由數元至幾千元不等，而她最喜歡的則是色彩繽紛的膠耳環及型格的銀耳環：「平時出席活動，我會因應場合戴番適合嘅耳環，好似着晚裝，我會戴閃爍但較細嘅耳環；如果係簡單嘅活動，就戴鮮色同較誇張嘅耳環。如果配襯得好，飾物同樣有畫龍點睛之效！」她剛打耳窿時，因沒有好好打理，傷口容易發紅，幸好最後順利「擁有」耳窿，更慶幸不容易敏感，否則只可戴純銀或純金的物料就非常可惜。

Kama遇到喜歡的耳環會買兩對，其中一對作收藏之用。

Kama因應不同場合而配襯耳環，甚有心得。

外地搜購心頭好

經常飛來飛去的Kama，無論旅遊或工作都會搜購一些特色耳環，她說：「日本嘅款式最多元化，雖然價錢有平有貴，但質料同顏色都比較好；台灣耳環嘅價錢就最大眾化，而且款式緊貼潮流，有啲款仲比日本誇張；而喺泰國就要慢慢揀，好似尋寶咁，款式多數充滿民族色彩。」