張敬軒昨日與多位殘障鋼琴家出席《奧海城琴牽我心－慈善鋼琴馬拉松籌款》開幕禮，「梅艷芳四海一心慈善基金」主席兼任信和物業管理有限公司商場推廣總經理的蘇蔡潔蓮女士，由基金捐出十萬元予福幼基金會，無綫高層何麗全則以福幼基金會代表身份出席活動。對於無綫被指不付播放歌曲版稅，何麗全澄清已付訂金，並指報道完全錯誤：「除咗CASH，仲有IFPI同HKRIA，但HKRIA收嘅數字多出原定嘅幾倍，完全唔合理。」他透露會跟四大唱片公司商討，稍後召開記者會交代。
至於身兼環球唱片行政人員的軒仔說：「所有嘢交晒畀公司決定。（杯葛無綫頒獎禮？）雙方協商緊，好理解大家嘅立場，公司都係想保障藝人權利！（照去《勁歌》頒獎禮？）做好晒四個頒獎禮嘅衫啦！」
昨日大會安排軒仔與韓國四指天才鋼琴家李喜芽及患弱視的本地鋼琴家李軒合唱《Blessing》，原來李軒是軒仔的歌迷，更帶來偶像出道至今的14張專輯到場要求簽名，軒仔說：「殘障好難搵工又冇錢，但係佢都買齊晒我啲碟，真係好開心、好感動！（你唔彈琴？）佢哋係大師級，我唔敢班門弄斧，但好想請李軒做我演唱會嘉賓。」