謝雪心及黎耀祥昨日出席由東方日報慈善基金、太陽報愛心基金及領匯合辦的《領匯區區有禮樂滿腹》大行動。視帝祥仔及「太皇太后」心姐近日人氣急升，他們於現場大派福袋，大受市民歡迎。稱帝後祥仔希望答謝觀眾支持、回饋社會：「我平日都盡量帶囝囝出席慈善活動同做義工。」對於近日負面新聞不絕，他說：「有少少嬲，一本寫冇所謂，但其他都跟風咁寫同一樣嘢，希望大家都為社會做多啲嘢啦！（攞視帝後興奮心情平復咗未？）真係好開心，今次係最具民意基礎嘅，我得獎後第二日好似選到議員咁，同市民揮手謝票。（去美國登台係咪好似之前所講加價幾倍？）講笑……唔咁講冇嘢寫嘛！」

心姐受小朋友歡迎

同場的心姐一樣愛心爆棚，她笑言所養的貓也是愛心大使：「我經常出席呢類活動，同小朋友分享人生經驗，又試過去馬路邊幫手派傳單，大會話我派完之後交通事故真係少咗㗎！」她又透露正斟洽到澳洲等地登台，但希望先完成手頭上的劇集再傾。