昨日Gucci在澳門首間旗艦店開幕，並五度與Unicef合作，除將特別推出的環保書《Snowman in Africa》收益全數捐出外，並會將部分系列收入的25%捐到Unicef。昨日大會邀請不少嘉賓出席，包括謝婷婷、Rosemary、何嘉莉及司馬燕一家四口等，郭富城則擔任剪綵嘉賓。

一身2010春夏新裝打扮的城城，問到可會趁機玩兩手？他說：「我對呢啲唔太鍾意。（有冇賭運？）我唔信不勞而獲嘅嘢，雖然有人話小賭怡情，但大賭就一定亂性！其實以前嚟澳門感覺淨係賭錢，依家就唔同，有好多靚酒店，唔使飛到拉斯維加斯都得。」問到品牌是否無限量贊助？他笑說：「唔知喎！（會唔會揀女裝？）我通常淨係揀畀自己，之前我生日佢哋送咗個手袋畀我，我以為係女裝，原來係男裝，我唔捨得用，或者留番聖誕節先用。」

Gucci澳門首間旗艦店開幕，店內布置堂皇。	Rosemary（右）和黃家諾前女友Marcella B.盛裝赴會，全程笑容滿面。	司馬燕夫婦和兒子吳澋滔等一家四口，昨日出席Gucci澳門旗艦店開幕。

問到買了聖誕禮物給女友沒有？城城即閂後門說：「未諗到，我好忙，私人事唔想講。（會唔會支持Lynn套新戲？）唔講。」說畢即轉身離開。不過他衝口而出指「未諗到」，似乎早已計劃選購聖誕禮物給女友，只是不方便透露。

婷婷想做殺手

此外，謝婷婷透露聖誕會放兩星期假，問到老闆王晶會否度身訂造角色給她，她笑說：「希望啦！之前我覺得唔適合做太女仔嘅角色，但佢就唔同意，認為我可以演愛情喜劇，不過我就鍾意揸槍做殺手。（想唔想同男友安志杰合作？）都想，我希望可以同屋企人合作。」