本文重點
蔡卓妍（阿Sa）前晚跟光良舉行音樂會，上演一幕鋼琴王子光良大戰拉丁公主阿Sa。
前晚假澳門金光綜藝館舉行的《蔡卓妍及光良Make A Wish童話音樂會》，兩位主角的家人均有捧場，鋼琴王子光良自彈自唱，他說：「我本來諗住唱首新歌《清水》，不過話晒呢度係賭場，我怕一陣畀人掟臭雞蛋就慘！」
自封「癱」己
而單飛後首次開騷的阿Sa，獻唱多首Twins的經典金曲，其後她換上超性感舞衣，跟男Dancer大跳拉丁舞，做出一字馬及360度翻騰等高難度動作，令台下觀眾歡呼尖叫，她說：「係咪有少少噴鼻血嘅感覺呢？我排咗一個禮拜，花咗好多汗水，可能太耐冇跳，全身好似癱晒咁，變成『癱』己。」事後，阿Sa表示特別將舞衣改細一個碼，全身黐滿膠紙，不擔心走光。
