古巨基昨日為沙田馬場舉行的《國泰航空香港國際賽事2009》任表演嘉賓，在開幕禮上領唱國歌和送贈親自設計的紀念帽給入場的馬迷。問到有否即場投注試賭運？基仔笑說：「唔識買喎！我爸爸就有買馬，我以前細個阿爸最鍾意問唔識嘅人攞號數買馬，話『童子口』特別易中！（有冇幫爸爸中過？）都有o架！」
談及好友劉翔有否向他抱怨被傳媒追訪？基仔說：「咁又冇，佢話香港傳媒對佢好有禮貌。（劉翔幾時離港？）知佢今日走啦！之前佢有一日休息，知佢好開心去咗行街。」此外，有攝影師為拍他而連人帶車翻倒，基仔說：「我見到佢畀個喇叭絆倒，好彩佢冇事。」
