昨日o靚模鍾蕙芝（Lavina）與胡心諾（Rainbow）到旺角一個報紙檔Sell性感寫真年曆，除了分別穿上Deep V裙及Tube Dress到場外，大會更邀請一名半裸肌肉男到場搞氣氛，吸引不少男士圍觀，秩序尚算良好，不過有口痕友邊睇邊批評：「都唔係咁靚！」期間一名自稱是二人Fans的「Game模」謝芷蕙現身支持，三人合照時，口痕友又爆一句：「呢個（謝芷蕙）仲靚過佢哋！」
見慣風浪的Lavina非常得體地說：「做得呢行預咗畀人評頭品足，好正常！」她又透露如果年曆大賣，Rainbow計劃與Fans搞比堅尼派對。
