容祖兒前晚身穿性感晚裝出席活動，同場有林海峰、周慧敏、官恩娜、Chita及陳偉霆等。Joey前有Deep V、後有大露背，非常搶鏡，連路過的吳君如都忍不住要「鹹豬手」摸個夠本，Joey說：「呢輪瘦咗好多，病完之後冇胃口食嘢，加上又失眠，個人虛晒，所以身形啱啱好着呢條裙，真係Fit到天作之合。」

放大圖片	周慧敏（右圖）以金色露肩裝上陣，不讓Chita專美。	周慧敏

送碟予陳方藤

Joey透露為入行十周年拍攝紀錄片《Joey Perfect 10 Documentary》將於明日舉行首映禮，她說：「套紀錄片係好多朋友講番我嘅成長歷程，我睇幾次都忍唔住喊。（提緋聞？）我邊有緋聞呀？過咗去就唔好提啦！愛情呢方面冇乜點講，Skip晒！（舊愛陳方藤？）我上網同佢傾過偈，不過佢當日唔喺香港，會留一隻碟送畀佢。」據知，Joey早已向身邊好友廣發邀請函，望一齊見證她的十周年歷史時刻，除了英皇的兄弟姊妹外，李克勤、張敬軒及王菀之都獲邀出席。