楊愛瑾（Miki）形容當下是一個新開始，過去兩年，演藝事業突然沉寂，令她感到氣餒，曾經徬徨的她說：「嗰時有啲機會捉唔住，可能自己做得唔好，加上又任性，思想冇咁成熟，眼見機會突然過咗，當然唔開心！」意氣用事的她曾一度考慮放棄，但她熱愛拍戲也喜歡唱歌，最後也決定為理想堅持奮鬥。

Miki當年與Cookies好姊妹傅穎（左起）、鄧麗欣及吳雨霏並肩作戰，如今四人已各散東西。資料圖片	Miki性格樂觀，不愛回頭望，寧放眼未來。	放大圖片

不回頭放眼將來

問到年紀輕輕的她可有為此後悔，Miki說：「都唔可以後悔，再回頭望係冇用，一個人冇話冇做過錯事，人係要有所經歷先好！」向來娛樂圈被指是一個殘酷的地方，稍為放緩腳步，便會被其他人迎頭趕上，如今Miki終明白機會不是次次都有，有一定要好好把握。

Miki憑電影《B420》捧走日本福岡電影節的「電影節大賞」。資料圖片	放大圖片	曾意氣用事的Miki，有想過放棄演藝事業。

唔心急逐步上位

要追趕同期出道的Cookies好姊妹鄧麗欣及傅穎，Miki定要加把勁：「雖然好似跑得慢，但其實都唔係一件唔好事，我年紀仲細未算遲，仲可以有進步空間，過去嘅經歷令我知道永遠都有轉機，只要你有信心！」她不贊成急進，希望逐步上，先爭取曝光率，接拍多些電影及廣告，其後再尋唱歌夢想：「我鍾意唱歌，唔會放棄！」

表面風光有苦自知

訪問當日Miki穿上贊助商提供的服飾，她承認藝人好多時只是表面風光：「老實講我唔係天生大富大貴，好彩唔使點負擔屋企，照顧到自己就得，藝人最大支出係服裝，喺過去兩年有苦唔敢同人訴，冇必要都唔買衫，要精打細算，屋企啲衫都係大減價先買，款式仲要揀啲『襟』興款，先可以慳啲錢！」

盼代表作引起共鳴

唱歌出身的Miki，希望在樂壇有所發展，熱愛唱歌的她說：「我一直都有跟老師學唱歌，我唔係急出碟，但都想錄一、兩首歌！我覺得唱歌可以發洩情緒，開心唔開心都得，如果有首歌能夠引起人哋共鳴，我仲開心！」她笑言平日去唱卡拉OK，必定選唱孫燕姿及許美靜的歌曲。