榮升「視帝」的黎耀祥，近日被多本雜誌指他與鄧萃雯傳緋聞，昨日祥仔出席《歡樂滿東華2009》拜神，對此表示煩厭：「啲報道沒完沒了，都有少少煩，大家都知道係流，不過傳媒咁樣一齊玩，助長歪風，我都係傳媒之友，平時盡量配合，所以今次真係有啲失望！」
祥仔不諱言今次事件令老婆有點不快：「不如寫埋添哥（李添勝）同雯女忘年戀，再加埋心姐（謝雪心）同敖嘉年，搞個四角戀！（怕唔怕報道影響形象？）唔會！觀眾好冷靜。（係咪到底線？）係啦！夠喇！唔好玩太多，我同雯女係金剛不壞之身，唔會避忌，大家只想拍好《巾幗II》。」
