阿Sa、鄭融、關心妍、側田和黃家強一家三口等，前晚出席DJ兼填詞人Mini新舖開幕，阿Sa只薄施脂粉撐場：「唔知有咁多記者，好耐冇自己化妝喇！」為了準備今晚演唱會的舞衣，阿Sa透露特意到羅湖商業城：「第一次去，件衫都幾性感，跳嘅時候啲鬚會Fing Fing吓。」雖然覓得心頭好，但她表示不會再北上尋寶：「好多男人，可能我哋四個女仔，我已經着住Track Suit由頭包到冚，但個個男人都眼甘甘。」她透露個唱將大跳拉丁舞，但卻叫苦連天：「周身肌肉痛，胳肋底抽筋，請咗高手做舞伴。（唔搵嘉賓陳偉霆做舞伴？）佢太忙，同埋佢嫌件衫太Deep V。」

大批藝人好友賀填詞人Mini（右三）新舖開幕。	黃家強抱着兩歲九個月大的囝囝與太太撐場，心情勁High。	關心妍（左起）、Mini和鄭融開心得滿場飛。

關心妍調理身體生BB

此外，新婚的關心妍（Jade）透露正服中藥調理身體，為生BB作好準備：「未生，養定身，醫生都話我身體唔好，唔協調，依家好難有，有都可能唔穩，等多一、兩年先啦！」還表示將飛往越南慶祝首個「楊太的聖誕」。

同場的鄭融表示與Mini合作無間：「佢總係寫出我嘅心聲，好似《大女仔》同埋《無謂情歌》。」而黃家強則抱着兩歲九個月大的囝囝與太太撐場，他表示最近忙於為囝囝選擇學校。