楊千嬅和王菀之前晚出席《亞洲電影博覽2009》，千嬅希望向電影獎項邁進：「我都有目標想贏到電影方面嘅獎項，但始終我戲齡尚淺，依家手上有兩套戲傾緊。我拍過嘅電影多數以喜劇為主，想憑喜劇得獎，因為喜劇唔易拍。我覺得婚後變得成熟，經歷多咗，拍戲會同以前唔同，唱歌嘅感情都豐富得多。（接受大膽演出？）都會，但唔會係床戲，雖然我胸懷大痣啫！」
而王菀之自爆身體不適，出現嘔吐病徵，原來她一直有暈船及暈車浪，故膠袋不離身。她又透露入行以來不時有片商找她拍戲，但因角色不適合而推掉：「好想試吓演有智慧嘅女人，因為平日自己蠢蠢哋嘛！」她更寄望明年底能完成心願在紅館開騷。
