日本人氣時裝雜誌《CanCam》專用女模阪井步美，作為女模(虫老)原友里的師妹，來港宣傳唱片，當然成為傳媒焦點！問到為何由「o靚模」變身「聲模」出唱片進軍樂壇？阪井說：「舊年夏天日本經理人開會時，問我有冇興趣做歌手，我當然好想做歌手！乜嘢都要試試！今年二月推出首張Single（單曲），明年計劃嚟香港推出個人專輯！」她揚言做歌手要走「多元化」路線，還大讚香港人熱情，令她有種很特別的親切感，加上香港充滿時代感，有信心在這裏發展會有好成績。

阪井步美由日本人氣時裝雜誌的專用女模，變身歌手進軍樂壇。

阪井步美趁年輕多作不同嘗試，令星途更璀璨！

來去匆匆 無暇逛街

對於香港o靚模Kama（羅凱珊）、「o靚界女神」Angelababy（楊穎）及諸葛梓岐等先後到日本行騷，Baby更簽了當地avex大展拳腳。阪井表示亦有留意，還讚Baby靚女有潛質：「今次嚟香港好匆忙，冇時間行街，但有留意呢度嘅女仔大部分樣靚身材正，我亦有留意Baby，佢好可愛，可惜未見過真人。（佢去日本發展喎？）佢一定會好受歡迎。」