樂壇頒獎禮將至，祖兒日前在《新城勁爆頒獎禮2009》記者會上，以1,278次播放率獲得「新城勁爆播放指數大獎—歌手獎」，難怪她早前接受電台訪問時，被主持路芙形容為收割的時候！對於歌曲大受歡迎，祖兒希望歌曲能帶更多正能量鼓勵大家。

祖兒早前在活動上重看多年前的自己，令她忍俊不禁！ 資料圖片	容祖兒在早前的十周年音樂會上，嘗試了Big Band音樂風格。 資料圖片	祖兒接受路芙（左）訪問，暢談入行多年的趣事。

挑戰自我 突破框框

身為現今流行樂壇天后，祖兒希望用自己的聲音滿足樂迷需求之餘，不忘嘗試更多不同類型的音樂：「最近嘅『Perfect Ten』音樂會上，我試咗Big Band呢種好新鮮嘅音樂風格，我記得第一次接觸到呢種音樂係細個睇《修女也瘋狂》，當時已經好想自己都擁有Big Band嘅歌，因為呢種音樂令我好快樂！」因此她便選擇在其入行10周年的音樂會上，以這種音樂風格演繹給樂迷聽。

回顧過去10年，祖兒坦言經歷豐富了她的感覺：「以前我係一個報喜不報憂嘅人，不過依家我知道愛同快樂係咩，變得鍾意同人分享，更加會體諒家人同朋友為自己付出嘅一切，嘗試欣賞別人為自己做嘅事，我覺得依家快樂好多！」