日前Miki和周俊偉到坑口的潛水勝地拍攝電台劇集《沒有牆的世界》，劇情講述扮演情侶的他們潛水嬉戲，豈料樂極生悲，Miki上水後即失聰，連飛機經過也聽不到。

Miki孭着重重的氧氣筒，十分吃力！	落水前Miki學習呼氣和吸氣。	不諳水性的Miki，由教練（右）全程傍住。

拍攝前，不諳游泳的Miki留心聆聽教練指導，再由工作人員幫她佩戴潛水裝備，只見身形嬌小的她孭了重重的氧氣筒後，竟連腰也伸不直，整個人墜前，要工作人員在後面幫她托住氧氣筒！Miki再學呼氣和吸氣，她說：「好複雜！正常用鼻吸，但潛水就要用口，唔只氧氣筒重，連腰帶都好重，好怕落水後會墜落海呀！」

上岸後猛嗌凍

幸好Miki和周俊偉只需走到離岸不遠處拍攝，雙腳仍能着地，只是扮潛入水，但在水中拍了大半小時後，Miki上岸後即猛叫：「好凍呀！頭先吸氣好緊張，好大壓力，好在踩到地都冇咁驚！（搵命博？）自己想試吓，今次係一個好經驗，我唔想再做行行企企角色，而且咁多工作人員睇住，唔會有生命危險。」

但Miki表示平日亦會去泳池玩：「唔敢去沙灘玩，今日有啲驚驚哋。（今日咁大膽？）好玩嘛！本身有興趣學潛水，但拍呢部劇之後，知道潛水超高風險就有啲驚，即刻想縮沙。」