11/12/2009

播放本新聞相關短片

馬浚偉補祝生日恨拍古裝戲

馬浚偉早前與Fans在港補祝生日,有內地編劇Fans送上度身訂造的劇本,令他開心不已!

十月生日的馬浚偉,早前自掏腰包與Fans聚會兼補祝生日,除了與來自26個不同地方的Fans聚首一堂,令他十分感動外,其中有一名在內地任職編劇的Fans,更為他度身訂造古裝劇劇本,連女主角和導演人選亦早已物色妥當,令馬浚偉大為驚喜,他說:「我喺嗰齣劇飾演歷史人物,呢樣啱晒我心意;我本身都好鍾意演歷史人物,一來自己鍾意睇歷史故事,二來每次演又可以經歷唔同嘅人生喎!講真,無論呢套劇拍唔拍得成都好,淨係呢份心意已經令我好感動!」

深情日記印象難忘

本身是古裝劇「鐵腳」的馬浚偉笑言,曾有內地導演和編劇盛讚適合演古裝劇:「真係好似打咗支強心針咁,內地市場咁大,我都好想可以返內地拍電影,如果真係有呢個機會,我一定會霸住啲古裝戲嚟做,哈哈!」至於生日願望,他坦言希望事事順利和身體健康。

深受Fans愛戴的馬浚偉自爆,還有不少Fans的禮物令他難忘:「記得有一年,有個影迷送咗本佢自己嘅日記畀我,每日都寫住『To:浚偉』做上款,好似日日同我傾心事咁,咁有心思,真係好感動!」

影視組