勁舞歌手狄易達甚少過冷冰冰的聖誕節，反而會出一身汗慶祝，他說：「年年聖誕節都係做騷咁過，好似02年我去咗比賽，04年喺旺角西洋菜南街做品牌騷，由街頭跳到街尾，而05年我就喺廣東道做大型嘅戶外騷。」今年，達仔則會與EO2及HotCha一同開騷過節。
喜歡跳舞的達仔，聖誕節甚少浪漫：「中學都有拍拖，但節日通常就冇女朋友一齊過囉！」而他最叻就是唱情歌冧女：「中學嗰時做表演嘉賓，唱咗首《一生中最愛》畀追緊嘅女仔聽，冇指明係唱畀佢聽，不過係人都知㗎喇！佢都開心嘅，但就冇咩反應。」單身的他目前只專注工作，聖誕願望也不提愛情：「期望將來可以用個人名義做跳舞騷，聽我啲歌嘅人，大個都會繼續聽我唱歌。另外，希望身體好啲，因為今年皮膚敏感，嚟緊可以瞓多啲，唔好好似依家咁成日唔瞓。」