出名大食的梁嘉琪身形纖瘦，看似弱不禁風，但她吃進肚子裏的食物完全沒有浪費，皆因嘉琪原來十分捱得！早前她以友情價為友人開設的時裝店拍攝平面廣告，任勞任怨任由攝影師「舞」足八小時也未見疲態，不論趴地、拗腰、單腳企或身體傾斜的動作都完成得有氣有力，令攝影師大為滿意，更力讚她有當模特兒的潛質。不過，嘉琪謙虛地說：「佢可能想鼓勵我啫！不過佢咁讚我，真係開心死我！（咁有冇諗過進軍模界？）哈哈！順其自然啦！我仲係新人，梗係咩都要試吓啦！」

梁嘉琪為友人的時裝店拍宣傳照，八小時不停轉甫士也沒有怨言。	嘉琪笑言扮Cool原來很難，忍笑忍得很辛苦。	攝影師大讚嘉琪有當模特兒的潛質，令她十分開心。

陰力擺甫士腰痛

鏡頭前的嘉琪雖然入型入格，但她笑言整個拍攝過程其實有苦自己知：「嗰啲動作全部要用陰力，所以拍完成日之後都好腰痠骨痛o架！不過冇所謂啦！第二日我都開到工，哈哈！」而最令她意想不到的是，原來自己都可以做到Cool爆表情：「要扮Cool真係好難o架！我忍笑忍得幾辛苦呀！好在拍出嚟嘅效果都唔錯。」