11/12/2009

播放本新聞相關短片

區俊濤打理時裝生意

樂壇新人區俊濤即將進攻時裝界榮升「區老闆」,他說:「都算係家族生意,媽咪本身喺內地設廠,幫好多大牌子做衫,近年經濟起飛,媽咪話索性自己做埋衫同零售,肥水不流別人田!」他透露會與母親「分頭行事」掌管香港和內地生意運作:「我會負責傾品牌同搵人設計啲衫,始終我哋後生仔對潮流比上一輩敏感,所以媽咪都好放心交畀我。」

問到是否意味區老闆將放棄歌唱事業?他說:「唔會放棄,我呢個月就會喺HMV放Demo歌畀歌迷聽,試吓反應。」他透露收集意見後,會於明年中推出新專輯。