本文重點
日籍名模富永愛與混血名模Ana R.,早前為本地時裝設計師何國鉦(Dorian Ho)行騷,兩大名模正面交鋒,風頭卻不及突然前來睇騷的馬來西亞王后!
今次已是Dorian第4年參與馬來西亞國際時裝周,由於王后突然駕臨,大會臨時在台下搭建高台,讓她安坐其中欣賞。Dorian表示王后以往亦曾欣賞其時裝騷,知道王后對他的設計感興趣,完騷後,王后更向他獻花,雖然並非首次見面,但面對王后仍感害怕。Dorian還透露工作人員對他表示,若王后伸手給他,他可以輕吻對方手背,他說:「佢有畀手我,我輕輕錫佢手背,不過好驚!(王后有冇搵你做衫?)未知,王后做衫好大陣仗,要入佢王宮,不過我聽大會講,王后鍾意我嘅設計。」
另外,Dorian表示向來喜用Ana R.做模特兒,至於富永愛則曾於03年合作過,並大讚她有壓台的名模風範:「佢做咗媽咪之後唔係成日行騷,咁耐冇見,我覺得佢精神狀態好過以前,冇以前咁瘦。佢話好想嚟香港,明年我會幫貿發局做時裝周,同佢傾緊請佢嚟行騷。」
心儀阿姐級名模
原來Dorian只做過一次香港時裝周,自言感慚愧。明年1月的時裝周,邀得內地時裝設計師郭培及譚燕玉參與,而Dorian則構思邀請本地阿姐級名模琦琦、馬詩慧及李嘉慧等行騷。