胡敏珊旗下手錶品牌Chouette贊助的《Fashion with Heart頒獎禮》前晚舉行，祖兒、基仔與鄭文雅等盛裝出席領獎，而身穿Deep V裙的胡敏珊則最性感！

身穿露背裝的祖兒，轉身晒滑溜玉背。

胡敏珊以性感打扮亮相，非常養眼！

祖兒與基仔最近被拍得與無綫總經理陳志雲食飯，被指親自傾獎，祖兒說：「間唔中都會食飯，係經理人安排，交個朋友。（好敏感？）唔理咁多，冇所謂啦！相信好多人同佢食飯，唔通我一個人匿喺屋企食罐頭咩！」她笑言不及其他女歌手為無綫賣力拍特輯：「機會率低啲，我好畀心機做自己，亞太同女歌星獎都正，畀邊個我都開心，唔畀都開心！」另外，她在新城舉行的校園調查中，在「最受中學生歡迎女歌手」中排名第3，僅次排第1的G.E.M.及第2的蔡卓妍，祖兒笑說：「G.E.M.係10至20歲嘅少年殺手，我介乎中女年齡，入3甲已經好開心！」

強調未有婚期

至於基仔亦澄清只是普通飯局，問到是否攞梗「最受歡迎男歌星」，他說：「呢個世界冇嘢係梗，我好滿意今年嘅成績，除咗音樂上，形象都幾入屋！（宣布婚訊？）我有排都未結婚喎！」