陳霽平（Maria）笑言與設計師好友Cecilia十分投緣，並透露因工作關係認識對方：「前幾年睇過佢設計嘅時裝騷，覺得佢設計嘅晚裝真係好靚，都好希望認識佢，估唔到之後真係有咁嘅機會。因為我同佢都鍾意做瑜伽，又有好多共同話題，所以好快就做咗好朋友。」她坦言十分喜歡對方設計的晚裝，若將來結婚的話，必定會請Cecilia設計嫁衣：「佢好了解我喜歡啲乜嘢，所以我好放心將自己一生人最重要嘅晚禮服交畀佢設計！」

Cecilia設計的晚裝十分高貴，有不少捧場客。

陳霽平不時穿好友設計的晚裝出席公開活動。

俗語有云「有異性冇人性」，但Maria絕非如此！與趙式言拍拖已有一段時間的她，雖然要兼顧愛情及日常工作，但仍不忘督促好友做運動。

搵上門逼做瑜伽

Maria表示Cecilia是一名工作狂，經常因工作而疏於練瑜伽，故當她發現對方躲懶，便即化身「健康導師」督促對方，認真唔話得。Maria說：「一個人真係唔能夠成日坐喺辦公室度做嘢㗎！所以我一得閒就會去佢Office度捉佢出去，做半個鐘瑜伽都好，做完運動再諗嘢，思路都會清晰啲。」