本文重點
黃伊汶最近從商，代理充滿童真的腕錶，她希望大家不要追着時間走，反而要好好享受一切，及時行樂！
黃伊汶（Emme）最近代理腕錶品牌Galtiscopio，腕錶的意念是「享受時間」，加上設計富童真，玩味十足，難怪Emme對它一見鍾情：「有次去意大利一間店舖買嘢，喺小角落見到呢隻錶，一望就愛上！咁啱有朋友識得呢個設計師，所以同佢傾代理，因為我冇做過Marketing，樣樣都要學！」
拒被時間綑綁
Emme認為市面上有很多錶都追求精準清晰，但做人毋須過分執着：「大家成日好似好趕，冇停低欣賞身邊嘅人與事！呢隻錶嘅特色係錶面上嘅玩具，睇時間時唔係好清晰，反而令人望落好開心，感覺係Time To Enjoy（享受時間），唔好畀時間綁住！」
Emme代理的腕錶充滿童真，戴在手上勾起她不少回憶：「小朋友唔會執着，所以感情最直接，成日都咁開心！反而人大咗會不斷追求，如果得唔到就唔開心，點解要咁執着呢！」她首次踏足商界，對任何事都感到新奇，付出不少時間與精力，從中學會了堅持：「堅持好重要！初初都有好攰、好失落嘅時間，乜都要慢慢傾，依家開始欣賞生意人！以前唱歌跳舞都會好攰，但感覺好唔同，做生意要面對好多層面，但見到有成績，都好有成功感！」
