最近成為電影《葉問前傳》女主角的新人陳嘉桓，三年前入行做模特兒，雖然吃盡苦頭，但從未輕言放棄。
年僅17歲的陳嘉桓（Rose）三年前開展模特兒生涯，最近還擔任電影《葉問前傳》女主角，認真後生可畏。Rose自言身材高挑，故小時候便有意投身模特兒行業，加上母親從事新娘化妝工作，可以為她鋪橋搭路，令她終一償心願。提起第一份工作，她依然記憶猶新：「第一次就係影婚紗相，當時好緊張，完全唔識擺甫士，要攝影師從旁指導。」
難忘爬山開工
由於年紀尚輕，Rose直言模特兒工作對她來說絕非輕鬆易事：「有次影室外，攝影師要求我望住太陽，搞到雙眼不自覺流眼淚。另一次影婚紗相時直情要爬山去目的地，之後仲要四名壯男抬我上間爛屋度影相！仲有次去韓國影相，由朝早八點影到凌晨十二點先返酒店，點知返到酒店仲要影，真係好攰。」
雖然如此，但Rose從未想過放棄，加上有機會與偶像同台，可以忘卻一切辛酸：「我好鍾意陳嘉容，覺得佢好有女人味，有次同佢行騷，真係好開心。」
Profile
陳嘉桓（Rose）
花名：妹妹
身高：5呎9吋
三圍：32、25、36
出生日期：11月8日
曾拍電影：《葉問前傳》（拍攝中）
曾拍廣告：《美肌之誌》控豆修護面膜