江若琳（Elanne）昨日出席記者會，宣布下月15日假Star Hall舉行處女個唱《MY FIRST SHOW 2010演唱會》，個唱部分收益將撥捐「健康快車」，幫助內地患眼疾的小朋友。身穿露肩白色透視紗裙的Elanne，腳踏四吋半高跟鞋，即席與排舞老師Sunny大跳貼身舞，她笑說：「第一次着咁高嘅鞋跳舞，呢排練舞練到腳板底甩皮，晚晚要用鹽水消炎。」

Elanne昨日出席記者會，吸引大批Fans舉牌支持。

Fans送上巨型砌圖，逗得Elanne笑逐顏開。

對唱功有信心

為了演唱會，Elanne聘請私人健身教練，每日操足兩小時，又舉重又Sit Up，她笑說：「前一晚六點後就冇食過嘢，依家好肚餓，因為我驚露出肥腩。」問到可有終極性感演出？她笑說：「當然唔會拋胸，但總之有嘢睇啦！」身形弗到漏的她已成功減掉兩吋腰：「我得22吋腰。（上圍有冇縮水？）唔係好覺，反正冇乜太大分別，我一向都唔係好勁。」

首次開騷的Elanne對唱功甚有信心，並透露已邀請新加坡歌手林俊傑擔任嘉賓：「好想同佢合作，今次終於如願。」此外，她更親自邀請緋聞男友吳卓羲及周柏豪捧場：「當然仲有我好朋友鍾舒漫、三哥三嫂（苗僑偉、戚美珍）。」問到可有邀老闆林小明及趙雪英欣賞時，她則說：「嗰啲唔講。」