黎耀祥和鄧萃雯前晚筵開七席，宴請《巾幗梟雄》台前幕後工作人員，早前祥仔與雯女傳出緋聞，不過前晚祥仔太太亦在場，三人有講有笑，祥仔更搭着太太膊頭。對於緋聞，祥仔說：「證明我哋仲有吸引力，觀眾亦知發生乜嘢事。」
雯女坦言與祥仔太太碰面沒尷尬，更預計緋聞陸續有來，問到會否避忌，她說：「唔會為呢啲嘢作出改變。（有雜誌大談祥仔夫婦性史。）覺得好核突，佢哋都係好人、好合作，點解要傷害佢哋。」另外，祥仔早前表示接工作有加價，問雯女會否一樣，她說：「唔知，要問經理人，不過我唔會坐地起價，如果客戶自動調整我當然開心。」
