羅嘉良與蘇岩將於明天在北京豪擺喜酒，本月16日便47歲的嘉良，將在老婆蘇岩家鄉濟南宴請鄉親父老，慶婚兼慶生。

嘉良和蘇岩早前到「鑽石之都」拍攝結婚照。	嘉良表示與老婆拍結婚照時，感覺十分自然。	蘇岩和嘉良在風車前踩單車，重拾童真。

鍾情歐洲古典味

是次婚宴可謂鋪排有序，十月期間，嘉良與蘇岩先應內地一本婚紗雜誌之邀到荷蘭拍攝結婚相，其後便展開歐洲蜜月之旅，行程包括德國和法國等地。由於他們所穿的婚紗和禮服，亦是贊助商提供，簡約中帶有古典美款式，再配以他們最喜愛的古典歐洲味道景色拍攝，感覺十分優美，嘉良與蘇岩更在景點風車前踩單車，既童真又浪漫。

嘉良表示結婚相行程約一星期，每日只拍二、三小時，有足夠時間休息：「其實我同老婆都好鍾意歐洲嗰種古典味道，所以揀咗呢個地方，原來荷蘭首都阿姆斯特丹有『鑽石之都』之名咩？我都唔知，我哋冇買鑽石，反而買咗好多家品，之後再去法國同德國又買，所以行李都超晒重。」

拍攝時，荷蘭天氣很好，但嘉良卻擔心老婆冷親：「婚紗雖然唔太性感，但露肩又露手臂，都凍嘛！我就好隨意，有啲禮服我都冇打呔，我哋係真心，唔使搞乜嘢花款，雖然兩個都係演員，拍過唔少次結婚場面，但今次為自己結婚而影結婚相，感覺好自然，亦冇緊張。」