昨日踏入30歲的林峯，與官恩娜出席聖誕活動，獲大會送贈生日蛋糕。談及生日願望，他笑說：「搵多啲最實際，今年收入增長快過通脹。（出年交千萬稅？）好喎！」由於一班同事已為他慶祝，他笑說：「今晚我同隻狗過。」問到緋聞女友鍾嘉欣有否祝賀，他即說：「好Out！套劇宣傳都過咗，根本從來冇打過一次電話！」他還表明不想再提對方：「唔好再講，費事影響人哋！」似有弦外之音。另外，壽星仔林峯承認以前想過三十而立，但現時要將結婚計劃押後：「我都想有另一半，但要遇到先，過去都有啲合眼緣，但冇時間經營，都係冇緣。」

官恩娜谷胸上陣，艷光四射！

鍾嘉欣

官恩娜拒送吻

至於身穿Pucci緊身裙的官恩娜，得悉林峯生日即連聲恭賀，但沒有送上Birthday Kiss，她笑說：「我怕整花佢個妝。」她表示除非是所愛的人，否則不會胡亂送吻：「宣傳扮錫冇所謂，拍戲會投入都驚！但依家經驗多咗，都識得抽離。（有冇試過戲假情真？）冇。」