黃伊汶昨日到電台宣傳新代理的手錶，對於好友李克勤宣布明年榮升第二任爸爸，她說：「好戥佢開心呀！我陣間打電話恭喜佢！」她又大讚克勤是黐家的Family Man：「好多同事都笑佢有『孌童癖』，因為佢逢假期就唔做嘢陪囝囝，嚟緊再生多個，我諗大家唔使旨意見到佢！（送禮？）我會送隻錶畀佢太太（盧淑儀）鼓勵佢！」
此外，黃伊汶透露後日將會為代理的手錶舉行大型發布會，除了邀請模特兒示範手錶外，還請來圈中好友撐場，不過她表示沒有邀請緋聞男友余文樂：「係公司代我邀請朋友出席！（送錶畀佢？）當日所有嚟嘅朋友我都會送隻錶畀佢！」
