謝霆鋒客串的電影《風雲II》前晚舉行首映，萬眾期待大肚張栢芝會現身支持，怎料最終出現的卻是有「翻版張栢芝」之稱的貢米！當貢米抵達時，有傳媒還以為是栢芝，不理儀式正在進行，紛紛擁上前拍照。

貢米拍照時，近在咫尺的霆鋒（箭嘴）忙於受訪，最終緣慳一面。	情緒高漲的貢米，不時高舉勝利手勢，十足大細路！	在林莉（左一）身旁十足小矮人的貢米，與英皇老闆楊受成及經理人朱永龍合照。

當首映儀式結束後，嘉賓移師戲院睇戲，貢米則到簽名板前拍照，適逢霆鋒正準備接受電子傳媒訪問，有傳媒力邀他與貢米合照，但其助手以趕入場為由婉拒。事後，記者問霆鋒有否見到貢米，他猶豫一會才說：「邊個？（翻版張栢芝？）真係唔知，睇唔到。」

入產房唔怕血

霆鋒表示栢芝與朋友有約，加上他只是客串，故決定稍後才買飛捧場。他還透露下周便知道胎兒性別，笑言太太喜歡生女，但他則沒有所謂：「佢話想生5個，我話佢傻，點知佢話我唔關心BB性別，就算知道係仔定女都唔講我知。（生咁多個，會唔會叫栢芝拍戲幫補吓？）唔使，愈多咪愈冇時間湊！（佢冇戲癮？）冇，佢見我咁夜返去、晨早咁凍又出去都打冷震，諗唔到自己再工作！（唔可惜？）可能佢嘅意願比任何嘢更重要！」雖然工作密麻麻，但他已決定陪太太入產房，更不諱言不怕血淋淋的場面，並笑說：「我仲會企埋啲，平時都睇Discovery Channel食飯添！」

霆鋒（左起）、導演彭發、何家勁、唐嫣與任達華合力擊鼓，為電影造勢！

表演者落力對打，令演員拍爛手掌。

首映結束後，老闆林小明率領片中演員郭富城、鄭伊健與蔡卓妍等出席私人派對，分享觀後感。