無綫有個號稱燈神嘅「超哥」，佢喺電視台打燈有十幾年經驗，好多前輩級藝人，好似鄭少秋等都好敬重佢，因為得到超哥特別照顧嘅話，打燈效果會好啲，即使藝人年紀大，個樣影出嚟一樣咁靚，要知道拍電視劇，燈光效果真係好重要！
小小So：超哥喺電視城人緣好好，好多藝員爭住請佢食飯o架！
秋官：請食飯我就唔知，但我都好敬重超哥，因為我都貪靚，我覺得佢嘅技術的確好好，我返無綫拍劇，其中一個原因都係因為有超哥喺度咋！
小小So：你咁誇張，點報答人呀？
秋官：超哥成日捧我場，睇我演唱會，所以我每年搞演唱會，都會預留好位畀超哥！
