向來走型格路線的名模陳嘉容（Eunis），一雙腰果眼令笑容甜美，但想不到她卻嫌眼細，是五官中最討她厭的部位：「我由中學開始唔鍾意對眼，我三個家姐同細佬都有好深嘅雙眼皮，得我一個係內雙眼皮，所以我由細到大都覺得自己同屋企人好唔同！」
Eunis自爆曾被台灣時裝設計師讚她眼細、很有東方美，但她卻為此感到不開心：「有次做騷，額頭至鼻尖都化黑，個設計師讚我眼細細，話個妝好襯我、好靚！不過當時我仲諗自己對眼係咪真係好細呢！（有冇諗過割雙眼皮？）係有諗過，不過冇勇氣囉！始終整容冇100%安全穩陣，我唔敢去試！再講，有人讚我對腰果眼笑起嚟好甜，我都唔知信邊個好！我覺得做番自己先係最重要，我唔會再理啲人點講！」