來自廣州的Janice，曾參選《南方新絲路模特兒大賽》，雖然當年沒有得獎，卻成為入行的踏腳石，期間她不斷參選同類型的大賽，更大熱勝出，最後來港，成為力捧對象：「每個女仔從小都會諗過做空姐或模特兒，我冇諗過自己可以實踐到！」

Janice出道短短數年，演出機會不絕，她坦言很享受站在台上的感覺，周遊列國更令她大開眼界：「初入行時，有人話模特兒界好黑暗，又話唔可以做得耐，我覺得根本唔係事實，依家好多好有經驗嘅前輩仲好吃香，好受人敬重！」

Janice性格樂觀，凡事隨遇而安。

放大圖片

安守本分冇目標

要在模特兒界順利發展，走向成功之路，除天時、地利及人和外，性格同樣是重要因素，而Janice性格樂觀外向，難怪人緣甚佳：「可能我係人馬座，所以個人較樂觀！」她從來不會為自己定下目標，認為做好本分才是最重要，更無懼模湧現，她自信地說：「大家都唔同市場，我唔會刻意比較！」

真空？預約即可

相比歐美模特兒，中國人思想保守，較為錫身，甚少真空上陣，不過Janice表示絕不介意，只要有美感便可，更勸大家應該敬業樂業：「做Model預咗，冇話錫唔錫身，只要事先話畀我知就得！」

Profile

姓　　名：趙瑩

年　　齡：23歲

身　　高：5呎9吋

三　　圍：32.5、23、34.5

體　　重：106磅

演出經驗：Smartone Vodaphone、滙豐、3.Com及Kotex等廣告。