早前李綺雯（o靚妹）與南華球星陳肇麒（陳七）的親密照曝光，但旋即爆出兩人已分手，o靚妹更被指是第三者！昨日有指陳七回歸女友Natalie懷抱，更公然親熱。昨日o靚妹接受電話訪問時甚為激動，提到第三者之說時更哭訴：「點解你哋要咁樣話我，依家好似食死貓！」她強調與陳七拍拖前肯定對方已跟女友分手：「拍拖前已經了解清楚對方，知道分手先喺埋一齊。」一直被指是第三者的她言談間更暗示被人反撬牆腳！但她又說：「人哋拍拖做呢啲嘢好正常，又唔係圈中人，冇理由影佢。」似乎對前男友仍有維護之心。
昨晚o靚妹返電視城拍劇，雖然自言心情平復不少，但仍不禁眼紅紅，她說：「我拍拖光明正大，唔係暗交，佢同隊友朋友去街都有帶我出嚟！」早前她寫Blog時提到有人自殺，問到是否有人用自殺威脅她？她說：「唔想有任何意外發生，寧願選擇離開。（覺得陳七女友放料？）心知肚明啦！依家我哋都分咗手，邊個最大得益好明顯！」