自從Baby升呢到日本發展後，與William聚少離多，終致分手收場！Baby前日在Blog上以一句「該失去的始終都會失去」暗示分手，昨日William出席《飛躍校園2009》活動時雖一改前日的愁爆樣，刻意擠出笑容，強顏歡笑！他坦言冇睇Baby的Blog，只從記者口中知道「失去論」：「唔睇唔代表唔支持，已經冇睇1年！（佢話嘅失去係咪你？）大家問佢，而唔係問我！我唔知佢失去乜，唔想猜測，唔想件事好似泥足深陷！」

「應該失去都失去」

對於Baby話要大個女，William說：「當然希望佢大個女，人始終要大，佢失去乜！（你有冇大個仔？）有，大個仔咗！（有冇失去嘢？）應該失去都失去，我都失去咗好多休息時間！（愛情呢？）失去咗個『情』，可以講係人情，對人之間所有嘢，呢幾個月冇時間理，專注事業，所有同人相處都冇理會，放低晒！（包括愛情？）唔想講，有時事業好忙，身不由己，想理都理唔到！（分手？）由頭到尾都係朋友！（Baby話你哋由好朋友變普通朋友？）唔知諗法係咪同佢一樣！朋友關係冇變，可能用詞唔同，自己唔敢講咁多！」

另一邊廂，Baby近日接受有線《主播會客室》主持陸浩明（6號）訪問時承認拍過3次拖，現處休息期，言下之意暗示已跟William分手：「工作太忙，冇時間拍拖！（同William分手？）一直都係朋友之嘛！（分手好痛苦？）講分手真係好困難！」

William雖受情傷，但仍保持笑容會歌迷。

William與Baby終於分手，令人惋惜！ 資料圖片

另外，提到經常被指整容，Baby反應甚大地澄清：「入行以嚟，最嬲係傳我整容，為此我喊咗好多次喇！」她更要求6號摸她的面龐以證清白，更以「以前是朋友」形容與Janice Man的關係。